Ai u fut ne shtepi me duar te gervishura e gishterinj te fryre nga te ftohtit. Gjaku mbi buzen e care i ish mpiksur ne nje cep. Floket i qene rritur ca ndaj ju lut asaj t'ja priste pak pasi te hanin darke. Ajo zbrasi supen ne pjate dhe te dy u ulen perballe ne tavolinen e drunjte. Flaka e qiriut ndriconte profilet e tyre te vyshkura para kohe. Ajo gelltitej dy-tri here e pastaj pushonte pakez. Ishte ne muajin e tete. Here here perkedhelte barkun me doren e vrazhde pa e ditur as vete pse e bente kete. Ai e shikonte ne sy per nje sekonde, pastaj ulte syte mbi pjate. S'e shihte dot me gjate shoqen e tij te urte. I kujtohej kur kishin folur bashke per here te pare. Syte e tyre kishin folur me njeri-tjetrin, jo zerat. Ajo kish hedhur floket menjane ate mbremje e kish stolisur kraharorin me gjethe te thara dafine te lidhura me njera tjetren. Ajo ishte e bukur. E bukur, e thjeshte dhe e mire. Ajo s'ankohej kurre qe s'kish fustan te dyte per dite feste. Ajo s'kerkonte buzekuq si te shoqeve. Ajo s'ndihej. Ndersa e shikonte ashtu rreshqiturazi ai po betohej se me te paren rroge qe do merrte, do i blinte asaj gjithcka. Asaj dhe femijes se tyre s'do u mungonte asgje. Ai zgjohej heret, pa gdhire akoma. Dilte ne pyll, priste dru, i ngjiste ne karroce ,udhetonte me te ne mes te bores per ti cuar e shitur diku e kthehej ne shtepi me nate. Ndonjehere nuk kthehej.Flinte ne ndonje qyteze aty prane per te qene i pari ne rresht mengjesin e ardhshem e per te fituar ndonje lek. Ajo ngriti pjatat. Sec levizi diku dhe hunden e tij e gudulisi aroma e embelsires. I shendriti fytyra kur pa nje kek te vogel te rrumbullaket te vendosur mbi tavoline. Ajo i ndau nje cope te madhe dhe ja vuri perpara. Pastaj mori te veten. Ai pertypej ngadale per ta shijuar cdo therrime te embelsires, ndersa ajo kaperdinte shpejt kafshatat e medha. Perballe kenqesise se tij gjendej dhimbja helmuese. Kur mbaruan, ajo e terhoqi drejt shtratit.Dhimbja e tyre do merrte fund ate nate, por ai dhe femija e tyre nuk e dinin akoma. Gjume te embel te dashurit e mi!
|