[Postieri-Forumit]

Violeta Murati
Gazeta Standard
13/05/2008


Kur ka dhe një javë nga hapja e madhe e këngës evropiane, në kryeqytetin serb, në Beograd kanë nisur të qarkullojnë zëra të rrezikshëm ultranacionalë. Sipas website ?Ballkan Travellers? grupi i njohur si organizatë fashiste, ?Obraz?, ka kërcënuar vizitorët që vijnë nga shtetet që kanë njohur pavarësinë e Kosovës. Kjo organizatë paralajmëron dhunë gjatë ditëve të ?Eurosong?-ut.


Sipas websitit zyrtar të Eurivizionit, pjesëmarrësit kanë paraqitur qysh më 17 mars këngët e tyre për garën e këtij viti, i cili është programuar për t?u mbajtur në Beograd në 20-24 mars. Ndërsa lajmërojnë se nuk ka asnjë arsye për të besuar se pjesëmarrësit e garës së Eurovizionit janë në rrezik.


Tashmë dihet pozicioni serb ndaj statusit të Kosovës, dhe kjo ka përfshirë dhe disa këngëtarë që të shfaqin prirje nacionaliste. Madje në kohën kur u shpall pavarësia e Kosovës do të mbahej dhe festivali i këngës në Serbi, nga e cila do të dilte kënga përfaqësuese për në Eurosong, që me këtë rast është shtyrë si shenjë proteste. Me këtë lëvizje, Serbia ngurtësoi dhe reputacionin e saj ndaj këngës së Eurovizionit, që në këtë fazë diskutohej jo vetëm për performancën por dhe dyshimin se mund të kthehej në një shesh grindjesh nacionaliste. Kjo është një nga konkluzionet që thuhet në agjencinë e lajmeve ?Ballkan Travellers? në lidhje me eventin me të madh muzikor në Evropë, që synon pikërisht bashkimin e ndjesive në mes vendeve të EU-së.


Festivali i Eurovizionit është themeluar në vitin 1956, nga Unioni i bashkimit Evropian për të sjellë së bashku muzikën e re nga të gjithë antarët e shteteve të bashkimit, në një konkurs vjetor i cili shëtit ?live? duke u transmetuar nga televizionet publike në të gjitha vendet. Çdo vit, shtëpia e festivalit është vendi fitues i vitit.


Fituesi është vendosur në mënyrë të pakundërshtueshme nga pikët e pranuar nga secili vend, i cili kthen mbështetjen vendit votues. Por në këtë ndeshje; njerëzit nuk lejohen për të votuar për garuesit nga vendet e tyre. Sepse, në këtë mënyrë, rezultatet e garës varen nga aleancat nacionale dhe lidhjet politike. Fituesi i vitit të fundit, p.sh ishte këngëtarja serbe, Matija Serifovic me baladën e saj Molitva. Ajo fitoi maksimumin e pikëve nga pesë shtetet që kanë qenë pjesë e Jugosllavisë, përveç Kosovës që nuk kishte të drejtën e votës dhe Serbia për veten. Duke ndjekur fitoren e saj, Serifovic ishte zgjedhur si një nga 15 ambasadoret e zyrës internacionale për t?u paraqitur në Vitin Evropian të dialogut ndërkulturor 2008. Si i tillë, ajo ishte sugjeruar për të reklamuar të kuptuarit e dyanshëm, të një ndjenjë që i përket Evropës së Bashkuar.


Ndërsa për Shqipërinë këngëtarja e re, Olta Boka dje ka marrë udhëtimin drejt Beogradit me këngën “Zemrën e lamë peng”, një kompozim i Adrian Hilës, me tekst të Pandi Laços, e shpallur fituese në edicionin e 46-të të Këngës në Radio Televizion në dhjetor të vitit të kaluar nga një juri e përbërë nga njerëz të njohur të artit dhe të kulturës.


Grupi shqiptar është nisur të hënën në Beograd, ndërkohë që më 13 maj fillojnë provat. Këtë vit do të ketë dy gjysmëfinale, e para në datën 20 dhe e dyta në datën 22, kur do të konkurrojë edhe kënga shqiptare , ndërkohë që finalja do të organizohet më 24 maj.


Këngëtarja do të shoqërohet gjatë interpretimit të këngës nga tre artistë të rinj, një vajzë dhe dy djem, përkatësisht nga dy kitaristë dhe një baterist. Për këngën është realizuar edhe një videoklip i cilësuar si i arrirë artistikisht, i cili si lajtmotiv ka një zemër, nisur nga vetë titulli i këngës.