[Postieri-Forumit]

Koha Jone
Ne fund te muajit korrik, shqiptaret nuk do te kene me nevojen e nje vize per te shkuar ne Izrael. Lajmi u be i ditur diten e djeshme nga ana e perfaqesuesit te Ministrise se Jashtme izraelite, Pinhas Avivi, gjate nje takimi qe zhvilloi me Kryeministrin Berisha. Keshtu, sipas Aviv, ne fund te muajit korrik, qeveria izraelite do te marr vendimin per te hequr vizat me Shqiperine. Kryeministri Berisha e priti ne nje takim perfaqesuesin e Ministrise se Jashtme te Izraelit, i cili shoqerohej nga ambasadorja e shtetit te Izraelit ne Tirane, Amira Arnon. Gjate takimit u diskutua per marredheniet shume te mira qe ekzistojne mes dy vendeve, me perspektiven per zgjerimin e tyre te metejshem ne fusha me interes te perbashket. Perfaqesuesi i Ministrise se Jashtme izraelite, Avivi, i percolli Kryeministrit Berisha pershendetjet e perzemerta te Kryeministrit izraelit, Ehud Olmert, si dhe urimet e autoriteteve te larta izraelite per marrjen nga ana e Shqiperise te fteses per anetaresim ne NATO, si nje garanci me shume per paqen dhe stabilitetin ne rajon. Nga ana e tij, Berisha falenderoi miqte izraelite per mbeshtetjen qe Izraeli i ka dhene dhe i jep Shqiperise ne proceset e zhvillimit dhe modernizimit te vendit, si dhe ne proceset integruese.